今年預早知道
雲泉仙館及
圓玄學院的菊花展時間，而雲泉仙館又未去過，所以一早就睇定交通點去。睇黎睇去，交通工具都係兩路車可以去得到雲泉仙館，九巴 79K (上水火車站)及綠色小巴 52K (粉嶺火車站)。79K 班次唔多密，所以網上找了又找，都係建議 52K 為多 (事後先知，雲泉仙館都係叫人坐 52K！)。1128，一個風和日麗、萬里無雲、響著紅色乾燥警告的日子，就出發去雲泉仙館逛逛。
52K資料在
這裏：
粉嶺 小巴總站
途經路線：
【粉嶺 開】 沙頭角公龍躍頭段（粉嶺消防局），粉嶺樓路（粉嶺樓），聯和墟，和泰街，聯興街，和隆街， 聯盛街，和泰街，和滿街，帝庭軒（聯和墟小巴總站），沙頭角公路（一號橋，龍躍頭，宣道園，軍排仔村，皇后山軍營，軍地，合發，高莆，孔嶺），坪輋路（浸會園，打鼓嶺政府合署，雲泉仙館．打鼓嶺鄉議會，李屋村）
【坪輋 開】 坪輋路（李屋村，打鼓嶺鄉議會，雲泉仙館，打鼓嶺政府合署，浸會園），沙頭角公路（孔嶺，高莆，合發，軍地，皇后山軍營，軍排仔村，宣道園，龍躍頭，一號橋），聯安街，和泰街，和滿街（綠悠軒，帝庭軒小巴總站，新聯和墟街市），聯安街，和泰街，聯昌街，聯和道（舊聯和墟街市），聯發街，粉嶺樓路，沙頭角公路（龍躍頭段）（粉嶺消防局），新運路（祥華邨），粉嶺車站路．
時間表：
【粉嶺 開】 0530 ～ 0000
【坪輋 開】 0530 ～ 2335
班次 3 ～ 7分鐘
收費 $4.50
分段收費：
粉嶺火車站 ～ 聯和墟 $2.40 |
[來源：Centamap.com]
基本上，火車站出口都係樓上大堂，找到A1出口呢個水牌，沿水牌後面條樓梯落，前面就會見到小巴站：
小巴站對出的車站入口，是往九龍方向的月台：
好上車！小巴會先經過「聯和墟」，之後會進入一畢直的大道「沙頭角公龍躍頭段」。在這路上會經過三個迴旋處，在第三個迴旋處車會好明顯地左轉入「坪輋路」。在「坪輋路」，右手面會先後見到「浸會園」、「中電變電站」及「打鼓嶺政府合署」，過了「打鼓嶺政府合署」不久，會有一個分岔口，小巴會左轉，但幅度不大，而在這個分岔口上，你的右手面會見到「九記士多」幾個大字，好運的話這裏會有搭客落車，咁你就唔洗心掛掛喇。過了這個彎位，就要立刻同司機叔叔講：雲泉仙館落車。
路線圖概覽：
[來源：maps.Google.com]
到達目的地喇，基本上小巴會停在仙館對面，落車後向對面馬路望，已經見到「雲泉仙館」的牌坊：
望向正門的左手邊，有一個九巴79K的巴士站，離開時可以在這個巴士站等 79K到上水，也可坐回小巴 52K 返粉嶺火車站。
因我係返回粉嶺火車站的，如果想食少少野先出反屋企，可以在車站旁的「粉嶺名都」醫肚，裏面都有快餐連鎖店，也有茶餐廳等。
報告完畢。
觀看全文...
.png)
