當大號遇見牛牛

平時坐車成日想見牛牛一面嘅惡魔，今次有緣近距離睇牛牛，點知......
hin:　(十米過外見到牛牛) 伯父，抱抱...
me:　 點解要抱呀?
hin:　有牛牛，驚...驚...
me:　 牛牛之嘛，唔洗驚喎，唔會咬人架...
hin:　......(一路似隻樹熊抓到實一實，一路鴿實隻牛)
me:　 公公屋企啲狗狗仲恐怖過牛牛啦...
hin:　no...抱抱...hin...驚驚...
me:　 ......
hin:　抱好啲......

之後以勁過樹熊嘅抓力，死都唔肯落地行。

觀看全文...

大號出巡，不簡單啊！

今日 (五月廿一日)，原本想到長洲看飄色的，到最後還是把這天奉獻給大號。原因之一，天氣不穩定，會有驟雨；其二，本身應承了大號星期三去行山的，不過他右腳丫子扭傷了，當他康復又下了一整天雨，唯有今天帶他出街了吧。

時有朋友問：「整乜你唔帶亞 B 去玩？有咩難呀？」

此言差矣，今天剛好知道要到大號家裏，原來要走五佰多梯級！

看吧，無花無假，警告了要量力而為！

行了很多次了，原來叫「元荃古道」 @~@

不知道要走五佰多梯級，又不知所行的叫
「元荃古道」，原因是走了捷徑，少走了
差不多二佰伍十個梯級。 :-P
在二佰級時，有這個警告句子。

哈哈，知道了嘛!?要帶大號出街，實在不是一件易事。可知道落山容易上山難，當抱著熟睡了的大號上山時，更加難上加難了。

今天還好，當抱著熟睡的大號回家時，走上大約一佰級時他剛好睡醒了。呆了一會，定一定神，大號自己行完剩下的路！如果，每次我也有今天的幸運，會多好啊！

觀看全文...

明日之星的誘人「甫士」

換尿片中途，都可以表情多多、動作多多地擺了個誘人「甫士」，就是今日的大 B。

這個動作，透過鏡反射原理，令我想起「1996 記得憶蓮盛放」的唱片封面，問你死未！？

觀看全文...

大細侄

不經不覺老大已經兩歲有多，大多時間仍然天真活潑可愛；只在一些沒想過他會懂的事情上，顯得有一點兒老人精。

二號(他未起名字前，我給他的稱呼)也來到這個大千世界都有三個月了，樣子看起來同老大有幾分相似。體格似乎比亞哥好一點，至少不如亞哥呼吸時沒聲沒氣。好幾次手抱老大時見他沒呼吸似的，以為他突然猝死了，嚇得我半死！二號也很活潑，整日踼腳仔，很有力的啊！現在看人時也眼仔碌碌的，不及一個月時眼仔只得一線彎月不見眼珠。

以上大細 B 的相片，都是去花展時影的。原本這屆花展沒想過參觀的，亞 B 父母想同他倆的表妹們去玩玩，就這樣去了一趟。這日是近來最熱的一天，沒心理準備這麼悶熱之下，實在缺少影相的心情，所以只隨手影了幾張，連主題花富貴菊都沒被我拍下。反而大 B 那日玩得不亦樂乎，幫他影的相比影花的多。

　　　　　

　

　

　


觀看全文...

破曉

纏繞了大半個月的事情，終於隨著昨天的消逝而曲終人散。今天破曉，正式踏入新的開始。

爺孫情在昨天表露無遺。平日侄仔看見香火或神主位，都會做出請請、拜拜等動作；但昨天在爺爺遺照前，雖然香火頂盛，侄仔在再三請求下拜別爺爺，都不肯做任何動作。人仔細細，就似是自覺如向遺照請請、拜拜，就等如向爺爺道別。他不想道別爺爺，只想他再次抱抱，或者想叫爺爺抱他去看魚魚吧！怪哉！

林忆莲-破晓Ⅱ 遗弃的声音没响起了 遗弃的触觉偏剩下多少 不听不触抚不痛楚 懒看懒记忆懒问我 当天得到的叫甚么 不管了 天亦天天的了 地天天的了 彷似在炫耀 我已看到破晓 让昨天一朝了 或者某月某日某宵 (我倦了) 人有几多次拾起改变 人有几多次坚定地向着前 一天青一天风雨飘 过了算了失了罢了 他朝得到的纵是少 不紧要 心若天天的了 梦天天的了 这也未能料 我却再不渺少 没有点滴的动摇 或者某月某日某朝 我倦了

觀看全文...

此情、此景，不再

2008年12月31日為一個終結日，此情此景，不再。

伯父希望亞B長大後仍會記得曾經有一個這樣痛惜他的人，在心底就好。亦好多謝亞B在你成長的第一年，帶給爺爺這麼多歡樂時光。



觀看全文...

又有兒童墮樓重傷

【 蘋 果 日 報 】 西 環 德 輔 道 西 260 號 一 幢 大 廈 昨 下 午 發 生 女 童 墮 樓 意 外 ， 一 名 被 獨 留 在家 的 兩 歲 女 童 ， 睡 醒 後 走 到 祖 母 睡 房 ， 爬 上 床 攀 窗 向 外 張 望 ， 懷 疑 失 重 心 跌 出 窗 ，從 四 樓 住 所 飛 墮 而 下 ， 跌 在 一 樓 平 台 一 個 花 槽 內 ， 頭 部 受 傷 、 雙 腳 折 斷 ， 送 院 急 救後 情 況 嚴 重 。

[來源：http://appledaily.atnext.com/, 07-11-2008 ]

睇新聞，又有兒童墮樓重傷。當湊過亞 B 幾日之後，深深體會到唔可以獨留一個小小朋友係屋企。今次個女童無生命危險，真係不幸中之大幸，但又唔可以次次都當會無事咁看待，唔係真係後悔都無用。其實落街買餸啫，買遲少少都唔死得人卦，唔洗咁心急丫。

湊亞 B 個幾日，淨係講瞓覺，佢一「反瞓」起黎，真係可以由床頭反到床尾，再由床尾反番到床頭，仲要高難度地係床邊轉個圈再返床中間同周公繼續傾計。試諗諗，如果亞 B 一個唔覺意跣一跣腳，而咁啱隔離又無大人陪伴在則，咁亞 B 咪仆落床囉，情況可大可小。家居潛在嘅意外，又真係諗都諗唔到，至少小朋友想出的鬼主意，大人唔係咁易捉得到路。真係有事發生起上黎，如果有個人係屋企，起碼都可及時阻止；就算阻止不了，都可以立刻報警，以最快速度搵醫護人員進行急救。

希望那個小朋友可以快 D 好番啦。

觀看全文...

與亞 B 同一屋簷下

早幾日實在忙透，因為亞 B 要係我哋屋企住幾日，我同佢都面臨大挑戰！

亞 B 嘅考驗，當然要比我同佢爺爺、嫲嫲管住啦，而且生活習慣也要被打亂呢。

於我，當然要為他兩餐而奔波，又要幫佢換片，開大都要頂住上，仲有沖涼呢，安撫佢瞓覺等等，好累。好彩，一切都安然渡過。無工做有無工做好，有時都係整定，起碼唔洗諗俗事，可以全心全意照顧亞 B。

雖則辛苦，總算都有些報酬囉……

報酬係可以拍下亞 B 跳舞、眼下佢第一次走路等片段，留為紀念咁啦。
好！去片……

[大王舞動]


[大王漫遊]


觀看全文...

佛山遊--亞B第一次離開香港

今次襯細佬有假放，去一去佛山，帶亞B探親咁啦。亞B玩得好開心，當然吧，地方大，可以周地爬，推住櫈仔行呀行。而且各人都啺晒佢，兩個表哥又鬼死咁呵護佢喎，唔開心就怪啦。

每次到佛山，姨媽一家都會帶我們到這到那，行山呀，睇園林呀，睇古蹟呀，當然少不了食啦，有時食到唔想食添。今次有一日落雨，可以留係屋企休息下，下午留低亞B比姨媽姨丈，同表姐出去行下商場(之後才知香港也發出了黃雨警告)。第二日去過佛山郊外食午飯，之後本要去行下山的，但個天黑晒，想落雨，所以打道回佛山，表哥提議去南方古灶。這個古灶，幾年前都去過的，不過之後擴建了個陶師祖廟，連他們也未去過。古灶本身都幾大，因為之前去過，所以今次無行上去睇，只係外圍影下相就算。以前佛山石灣好多陶灶，出產好多陶瓷器皿，石灣陶瓷嘛，未去過都應該聽過掛。現在就只剩下這個灶，都算係大的一個，所以好珍貴。再者，灶上生了一棵樹，仲要唔細棵添……喂，燒陶時，內部溫度至少成千度，仲要燒幾日，外面溫度都唔會弱得去邊掛？陶灶內部就好似一條滑梯，相信溫度在滑梯頂都應該係最高，而棵樹，就生在滑梯頂外牆側。

尾二個日，去左順德，順德現在歸佛山市管轄，除了順德，三水及南海，都歸納在佛山板圖內。在順德，食下双皮奶，參觀下清暉園，行下步行街等。食双皮奶那間老字號(sorry，忘記左個寶號)，係佛山都有一間分店，前一日食過，可能加了蓮子，奶皮唔見左；順德正舖，死唔憤氣，叫了淨双皮奶，睇下有無皮。唔……有一少塊囉，丁方咁大把，仲要甜過佛山那碗，優點係平過係佛山食。清暉園係廣東四大名園之一，我到過的仲有佛山梁園。梁園好悶，可能係重建過關係，無乜古色古香，感覺比較現代。齋講景，小時去佛山中山公園，記憶中仲靚過梁園。

清暉園比我好唔同的感覺，雖然它也被擴建過，但擴建部分都以古樸風格為主，同舊那邊可以熔合，如果唔理青磚變左石屎磚，園林設計比較重石屎感外，都唔太覺得有新舊之分。另外，清暉園以往係招呼重要人物的，當他們訪問順德時，都住在清暉園，所以民革時都無受到破壞，可以保留至今。當天天氣有點熱，但又不是好熱那種，園內微風處處，又有樹木的氣味，又有淙淙流水聲，好舒服，舒服到好想坐在長櫈上睡上一兩個鐘就好了。離開順德時，到了步行街「李禧記」買了少少棋子餅同合桃酥，細佬就買了磞砂，唔錯。

由順德返回佛山，見有時間，所以唔轉車返屋企喇，改為行返去，順便去未去過的世紀公園兜過圈。世紀公園在電視塔附近，裏面有個話係全亞洲最大的陶瓷藝術品，以門字為題。外層的陶磚，由南方古灶負責燒製。遠看，其實無甚特別，每邊都是彎彎的；近看，陶磚砌出了不同的圖案，都係中西神話人物，例如古埃及的狗面人。同一個世界，同一個夢想，由同一度門打開乎？

離開佛山返香港時，忘記買番包盲公餅食，失敗……小時候，有盲公餅食都不知幾開心，人大了才少食，但每次食又會好歡喜喎，下次買盲公餅成為第一任務。

有時間，不如睇下今次影嘅相啦：



觀看全文...

亞B好嘢

亞 B，第一次出場，佢唔係我個仔，而係侄仔，10 個月人仔。

今日要負責陪亞 B同佢亞媽去沙田，目的係要幫亞 B申請回港證，之後順便去辨理回鄉證。因為亞 B有少許傷風，人有少少呆滯，所以中間會先睇醫生。由沙田去我屋企附近的醫生，是要乘小巴的，亞B要睇風景，所以企左係我大脾上，雙手扶著手把，一邊跳，一邊睇窗外風光。

佢跳跳下停低左，望向地下，我以為地下有什麼吸引佢注意啦，但無喎。再望下佢，此刻佢對手依然扶著手把，睇真d佢個樣，真係比佢激死又笑死……呢隻仔居然瞓著左！

天氣太悶焗，熱到出晒汗，好一個
生意失敗look


近排，呢個動作係亞 B的最愛

觀看全文...