港台+NHK 的幸福味道

[來源:www.rthk.org.hk]

前兩個禮拜六，係無記睇到呢套由港台及日本NHK合作拍攝的劇集---「幸福的味道」，仲要係用高清拍攝添，唔知日後會唔會出 blu-ray 呢？

故事係講一個日本青年「哲也」，因前女友關係到左香港，與經常到外國出差的香港人「美蘭」相遇。剛巧「美蘭」的外公經營的魚蛋粉舖就快因市區重建而結業，兩人覺得這個老舖就此結業大可惜，所以決定找出和魚蛋粉匹配的湯底，甚至遠道日本向「哲也」老爸取經。故事唔複雜，不過幾好睇，而且人情味濃，好過睇埋那些一味駡、駡、駡的鬧劇。如果無野做，又想搵野攝下時間，不仿一看。不過，因為日本還未播放，直至九月廿五日為止港台網頁暫不能提供網上重溫。

《 幸福的味道》
上集簡介：http://www.rthk.org.hk/rthk/tv/soupofhappiness/20080906.html
下集簡介：http://www.rthk.org.hk/rthk/tv/soupofhappiness/20080913.html
特集網頁：http://www.rthk.org.hk/special/tasteofhappiness/

演 出：

劉心悠　　　飾演　　林美蘭 成宮寬貴　　飾演　　田尾哲也 午馬　　　　飾演　　美蘭外公 元秋　　　　飾演　　美蘭母親 塩見三省　　飾演　　哲也父親 風吹ジュン　飾演　　哲也母親 梁漢文　　　飾演　　Ray(美蘭男友) 何貴林　　　飾演　　標叔 林小湛　　　飾演　　劉女士 威利　　　　飾演　　的士司機 馬凱儀　　　飾演　　哲也女友 張堯　　　　飾演　　北京男友 黃煒琳　　　飾演　　美蘭（童年） 監製　　　：　蔡貞停、六山浩一 執行監製　：　羅志華 編導　　　：　馮家鍵、褔井充廣 編劇　　　：　陳志樺 助理編導　：　陳志恆 [來源:www.rthk.org.hk]

觀看全文...

20世紀少年

電影版 20世紀少年 就快上影，都對呢套片有啲興趣。襯無野做就租呢套漫畫，享受一下久違了的刨漫畫的心情。話就話23集，但第23集分上、下兩本書，實際上一套有24本書，分五次用一個星期多些刨完。

同 Monster 一樣，20世紀少年的作者都是浦沢直樹。未睇過 Monster 原漫畫，但動畫就成輯睇完，喜歡程度係連 DVD 都成為收藏品。相比起 Monster，個人覺得20世紀少年少了心理戰，但一樣的懸疑，而且多了病毒、機械及少少超能力元素。

故事其實都好簡單，複雜的是其中的支節。第一部分，時間為1969、1970及1971之間，主角們在小學五年級，及六年級所發生的一些微不足道的事情，而引發第二部分的故事。第二部分為1997至2000年之間，不明病毒開始襲擊世界不同地區，死了不少人，而 2000 年除夕更有一部陽春機械人幫忙散播病毒，主角們被說成罪魁禍首，最後由「朋友」拯救人類，成為英雄。第三部分由 2014年開始，到 2015 年世紀結束，取而代之知是「朋友曆」，到故事結束為「朋友曆」3年。這個部分講述世界受病毒第二次襲擊，主角們經歷十多年的躲藏，不斷向「朋友」進行游擊戰，於「朋友曆」3 年向「朋友」進行終極挑戰，揭穿「朋友」真身，以及小學時期因何事令「朋友」要向主角們進行報復。

事實上單純以時間線來講，真係咁簡單。作者以不同時空穿梭於不同分鏡，如果無耐性，組織能力差些少，會睇到一頭霧水，甚至頭暈想嘔添。分鏡雖多，但清楚(個人覺得)，完全做到起承轉合，引到人有去「追」住睇的心情，而又真係幾好睇。特別鐘意由小朋友角度睇事物的描述，好細膩，好到，有時睇到人會心微笑；而描述大人們的奸姣、邪惡、背叛、反省、對理想的追求、徘徊於世事無常當中的掙扎等等，又好過癮喎。

睇過有些 blog 講這套 20世紀少年結尾差，唔多高潮疊起；但我又覺得 OK 喎，處理上總算唔太爛，亦都出乎我意料，結局都唔一定要高潮疊起啫，個人收貨。大綱已經講左，內容不多說喇，想知有多好、有多差，自己睇漫畫啦，又或者等電影開畫。如果閣下想睇別人對 20世紀少年的其他總總，可以另尋文章。

20th Century Boy by T. Rex 是主角健次小學時期好喜歡的歌曲，現實亦確實存在，相信電影內亦會不時聽到。

Song lyrics | 20th Century Boy lyrics


觀看全文...

下雨了 vs WHS

近幾日悶熱到不得了，今早終於下了場雨。

家附近山坡有加固工程進行，剛見到幾個工人一起避雨，就比我……格查。

晚上去了灣仔太古廣場三座參加了一個course，係 MS 同 Fevaworks 合辨的「Windows Home Server 多媒體及進階應用課程」，最緊要係免費。聽完成個 course，以千多元一個 OS 唔計硬件去起一個陽春 server，好似唔多值；但佢自身的特別功能唔多，陽春個隻，要另裝一隻叫 webguide (講者介紹) 的 add-in 才有一個全面些的多謀體分享介面。呢個價錢，買個雙 HDD NAS ，又或者用 linux 代替， 好似化算啲。

當然，佢可以中央處理所有 client 的檔案，又可以 share 圖片，音樂，影片等等，對不太懂 networking 甚至電腦的人，但又想起一個 server 一家人用，WHS 會合適的。加上，WHS 又可以同 X-BOX 接合，用 X-BOX 抽 WHS 內的 file 到電視睇，其實都幾方便。

觀看全文...

亞B好嘢

亞 B，第一次出場，佢唔係我個仔，而係侄仔，10 個月人仔。

今日要負責陪亞 B同佢亞媽去沙田，目的係要幫亞 B申請回港證，之後順便去辨理回鄉證。因為亞 B有少許傷風，人有少少呆滯，所以中間會先睇醫生。由沙田去我屋企附近的醫生，是要乘小巴的，亞B要睇風景，所以企左係我大脾上，雙手扶著手把，一邊跳，一邊睇窗外風光。

佢跳跳下停低左，望向地下，我以為地下有什麼吸引佢注意啦，但無喎。再望下佢，此刻佢對手依然扶著手把，睇真d佢個樣，真係比佢激死又笑死……呢隻仔居然瞓著左！

天氣太悶焗，熱到出晒汗，好一個
生意失敗look


近排，呢個動作係亞 B的最愛

觀看全文...

一路好走

昨日，消防員蕭永方舉殯；另一消防員陳兆龍已於上週五入土為安。願英雄們，一路好走。









再見悲哀 - 林憶蓮


觀看全文...

我喜歡憶蓮

唔好問點解，最鬼憎答點解，點解你要問點解先！？喜歡咪就係喜歡囉，唔洗下下諗得咁複雜。

要講的，係去年 (2007) 的 Live 07，遲係遲左差不多一年，鬼收我依家先學人寫 Blog 咩，唔講下有關憶蓮的兩三事，對唔住自己囉。

總共買左 4 場飛，分別係頭尾 2 場，第三場及第六場。人家話呢個音樂會唔多好睇，但我及另外兩個 friends 第一場就已經 high 爆，因為實在唱左唔少我好喜歡的 side B 歌曲；不特止，仲為它們披上由中樂及西樂縫製的新衣，重要的是你唔會覺得唔夾，又或是有[un]耳的感覺。這令我想起 Beyond 在「光輝歲月」中的一句歌詞，曰：「繽紛色彩閃出的美麗，是因它沒有，分開每種色彩。」倫永亮的編曲，功不可沒。

另我又最欣賞憶蓮對台前幕後的工作人員的專重。以往，每到完場時，憶蓮都會鳴謝工作人員的，包括舞蹈員及幕後一些不為人留意的角色，係一個一個咁多謝，無睇貓紙！今次不如以往續一讀出他們的名字，但就係唱「愛的世界」時，製作了一些動畫片段，投射係大白背景，用視覺形式去介紹這班工作人員。睇 DVD 時，效果不怎麼好，但現場睇就大大不同了。

觀看全文...

搵工的日子

零八年九月，又開始無工做的日子。Sad 咩？唔 Sad！享受添。

近年都係合約工作多，做一段時間後，休息一下，又重新開始。壞處，當然唔可以連續工作，人家點睇，心知。同時，少一些機會做一些比較高層次的工種，當同人比時，較輸蝕。不過事情總有兩面，我相信……對於學習新事物，無難度囉，對於我。

成日想，自己就好似一杯鴛鴦，唔專，但樣樣有啲。有時茶味多啲，有時咖啡味濃啲。當飲到一杯茶味、咖啡味恰到好處的時候，心裏會吶喊好味。搵工，就好似搵一個環境，可以比我發揮茶味，同時又可以發揮咖啡味……煲耐啲(做耐啲)，味濃啲，好味啲。

人搵工，工搵人，都係講緣份。



觀看全文...