記得還原

玩高科技電子東西，無怪之，不過請記得還原日常應用時的設定。

07年開始一直是 Nikon D80單反相機的用家，對攝影有興趣，但不是瘋癲那類人，自問不論拍影理論，還是對相機操控技巧，也遠遠未至於 advance 類別。

近來對DCHome的舊聞展開學習測試，其中一項為「陷阱對焦」。當中的技巧雖然以 Nikon D70為對象，心想對兄弟機的 D80 來說應該沒問題吧，結果亦証實是可行的(對於「陷阱對焦」的詳細設定不累述了，以上文章已經說得一清二楚)。哪知就這麼一玩，差點玩出個大頭佛來，就是懶之過，沒把設定還原到日常使用狀態就帶相機到朋友的宴會拍攝。整晚 D80 就是拒絕自動對焦，最後只好手動對焦拍攝，幸運的是平時也有用手動鏡頭，才不至於帶了相機等如沒帶。

D80 功能選單：「個人化拍攝功能表」

試了又試，就是這個設定令到 D80 的自動對焦功能失效，說失效是有點誇張，只是該個功能被強制轉移到這個按鈕上:
假如再看真點 AF-ON 這個功能，會早一點了解到這個問題，奈何天生就是只看頭一半而忽略後一半那個臭性格。總知經一事之後，自己會長一智吧，再有學習測試什麼的，謹記把設定還原到日常應用狀態。

觀看全文...

入手T124

T124，即 Tokina AT-X124 PRO DX 12-24mm F/4 Aspherical，個名太長，所以就有T124這個簡稱。
相關資料：http://www.tokinalens.com/products/tokina/afl-00.html


[圖片來源：www.tokinalens.com]

其實這支鏡一早已被例為要入手的好鏡之一，不過一直無買，因為如果不去旅行的話，這支鏡平時不會多用。12月中時，朋友找上想我幫佢嘅細路影生日party嘅相，因為party在室內與行。要在室內影相，有一支廣角鏡會較為方便好用，所以決定入T124，原因係現有組合最廣角都只係24mm，係DX系統上還要乘上1.5倍，即36mm，要在室內影party相，唔可以講不可以，但有點兒吃力。

今次就借這個機會入手T124，希望可以影到一些有張力嘅相啦。

觀看全文...

Panasonic G1...a Micro 4/3 system digital camera

[來源：www.dcfever.com]

今日同 W 先生行旺角，佢想買部 DC 比佢女友，呢條友用開功能強橫的 DSLR，心目中當然想買部有 manual 嘅 DC 啦，不過佢女友受唔受就另一個問題喇。我哋試過幾部，都唔多啱心水，去到風擇見到我推介的 FujiFilm F100fd。好在，呢部機都無失禮，起碼 W 先生咁高要求都話過得去。

正當我哋試到興高采烈時，則邊有人影我地相喎，心諗：「頂，試機都唔好點人相丫。」望真 d，原來佢哋試緊係 Panasonic G1，第一部 Micro 4/3 相機，係雜誌都係出現左唔算太耐，居然咁快就有現貨。佢哋有佢哋試機，我哋有我哋試機，本來住佢哋放低部機就攞黎試，誰不知佢哋又玩得好興奮。之後見佢哋近距離對廣告牌閃左一下，就膽粗粗搭下訕問下佢哋剛才個一閃效果如何。一睇，OK 喎，無爆喎，即係內閃個輸出好準繩啦，估佢唔到喎。支kit鏡好小巧，感覺上大細同 Nikon 支 AF 50mm f/1.4D 差不多。Live View 方面，個 mon 清楚丫，而且個 mon 仲可以扭 270 度，個人認為咁樣個 Live View 先用得盡，高低抄都得嘛；如果個 mon 唔轉得，Live View 都只係雞肋。其實早在 prosumer 機大戰年代，扭 mon 已經好普通，至少 Nikon、Cannon、KM 都擁有呢種技術，都唔知點解唔轉移到 DSLR 上，唔通要保住單反嘅尊嚴乎？影象質尚可，唔算好sharp。之但係，只係試機，無把 file 放落電腦睇，結論唔準確。

以第一部產品來說，呢部機已經算唔錯，係開閃光燈個制做得太過緊密，手指大些都有點難按下。機仔細細，如啱女仔作升級嘅選擇，留意係佢唔算太輕。現價差不多 7000 個大洋(港幣)，著實唔算好有競爭力。功能仲有好多，當然試唔晒，有興趣可以上網睇下丫：http://www.dcfever.com/cameras/specification.php?id=1044

而家反而其望 Olympus 出年個部類似 Sigma DP-1 嘅 Micro 4/3 機，吸引力大好多。
[來源：www.dpreview.com]

觀看全文...