菠蘿蓋與鞋

假若你問我每當看一個人時，第一時間會留意他邊個部分，我會回答雙腳。

過往都有同事閒談間討論過類似問題，不過都集中討論點睇女仔。每個人對第一點視線都有不同聚焦點，而我嘛……睇腳同時會一拼留意埋佢對菠蘿蓋。當然，一定要個女仔唔好著長褲長裙先睇得到菠蘿蓋；如果唔係，就會轉移目標掃落佢對鞋度。

一，唔好以為一個女士擁有42吋長腿就天下無敵，有持無恐地著短褲、短裙周街走。有啲女士打理兩個菠蘿蓋不力的話，又或是兩個菠蘿蓋充滿皺紋的話，其實都會減幾多分架。

二，會睇人家對鞋，係因為可以一眼睇得出佢係咪一個細心嘅人，又或者係咪一個姿整嘅人，其次還可以大概故到佢係咩階層嘅人添。基本上男女如是，之但係女士們會掩飾得比較好……嘻……都有唔少漏網之魚架。

有機會你不妨又留意下啦。