搵工的日子

零八年九月，又開始無工做的日子。Sad 咩？唔 Sad！享受添。

近年都係合約工作多，做一段時間後，休息一下，又重新開始。壞處，當然唔可以連續工作，人家點睇，心知。同時，少一些機會做一些比較高層次的工種，當同人比時，較輸蝕。不過事情總有兩面，我相信……對於學習新事物，無難度囉，對於我。

成日想，自己就好似一杯鴛鴦，唔專，但樣樣有啲。有時茶味多啲，有時咖啡味濃啲。當飲到一杯茶味、咖啡味恰到好處的時候，心裏會吶喊好味。搵工，就好似搵一個環境，可以比我發揮茶味，同時又可以發揮咖啡味……煲耐啲(做耐啲)，味濃啲，好味啲。

人搵工，工搵人，都係講緣份。